轉貼自蘋果日報 14/7/07

隔 牆 有 耳 ： 閹 唔 閹 要 問 過 隻 狗 先


香 港 地 小 貓 狗 多 ， 單 係 漁 護 署 每 年 「 處 決 」 流 浪 貓 狗 就 有 萬 幾 隻 。 愛 護 動 物 協 會 諗 到 條 橋 ， 就 係 盡 量 捉 流 浪 狗 去 閹 ， 等 佢 冇 得 生 BB ， 百 年 歸 老 就 解 決 問 題 。 但 係 經 過 一 輪 地 區 諮 詢 後 ， 愛 協 發 覺 區 議 會 反 應 都 幾 冷 淡 ， 好 似 噚 日 咁 ， 去 到 大 埔 區 議 會 ， 六 個 議 員 贊 成 ， 六 個 反 對 。

呢 個 正 宗 狗 大 會 上 ， 反 對 議 員 振 振 有 詞 ， 其 中 文 春 輝 可 以 話 係 狗 權 鬥 士 ， 佢 話 愛 協 未 得 到 流 浪 狗 同 意 就 閹 佢 ， 好 唔 尊 重 ； 另 一 議 員 羅 舜 泉 就 以 貓 論 狗 ， 佢 話 泮 涌 村 都 有 愛 協 義 工 捉 貓 去 閹 ， 點 知 貓 閹 之 後 ， 仍 然 俾 其 他 貓 搞 大 個 肚 ， 所 以 佢 對 愛 協 失 晒 信 心 ， 反 對 計 劃 。 咁 說 話 都 講 得 出 ， 愛 協 唔 應 該 再 閹 貓 狗 ， 應 該 向 議 員 埋 手 。