唔知大家信唔信寵物同主人間會有一種解釋唔到o既感應力呢?
之前我響animal planet睇過一個節目，內容係講一隻狗，佢有一種感應力，每當感應到主人從公司渣車返屋企時，佢就會坐定響門口等主人。
但係我無諗到，原來我隻女都有呢個感應力。

我係一個人住o既，做夜班工作，每晚唔定時收工
每晚返工後，GoGo同WenWen響屋企做d乜我係無從知曉
直至有一次，一位朋友黎我屋企暫住三日........

第一晚我早收，凌晨12點半返到屋企，朋友話WenWen響我踏入門口十分鐘前已感應到我返緊黎，好不安咁去抓門，望住大門哀鳴! 但係GoGo又無咩特別反應。

平時我收工搭通宵巴士，車程約十五分鐘，落車由巴士站到踏入屋企需時兩分鐘
但係...十分鐘前...? 我應該仲身在巴士上喎..........
又假若我每晚定時收工的話，佢地有咁o既行為都唔出奇，但事實上，我係唔定時收工.....

對朋友講o既野有d半信半疑，但係....佢無必要去呃我......
朋友話，如果聽晚都係咁樣情形，拍低俾我睇!
我當然贊成。

第二晚我收夜左，凌晨3點幾返到屋企，一踏入門口
朋友就話：WenWen都係好似尋晚咁，約十分鐘前已感應到你返黎，我用dc拍低左俾你睇!
"咁神奇?"  我立即開機睇...
睇完後，真係唔到我唔信.....
我隨即攬住隻女，同佢講：原來你咁掛住我架? good girl!

以下係朋友拍低o既片段：




[ 本帖最後由 白鳳丸 於 2008-1-20 10:45 AM 編輯 ]

狗真係好有靈性ge動物...
但係估唔到你隻狗女都有咁神奇ge能力

有異能..............
好可怕

咁勁?真想見識下~o的狗好可愛~

世事就係咁奇妙，唔係有朋友黎暫住的話，就唔會揭發到呢件事。
之後，我有諗過set野錄低佢地d行徑，但要部腦長開的話，我又唔放心....
因為始終無人響屋企，只剩兩隻狗響度，有事起上黎就弊傢伙!

[ 本帖最後由 白鳳丸 於 2007-5-24 12:54 PM 編輯 ]

佢地幾大呀?

裝閉露.....

隻啡白女就黎3歲
隻三色仔就黎4歲

可以諗諗...

嘩~睇完我都有d掛住went~gogo都有! 真係估唔倒wentwent咁有妳心!佢平時實在係太心散!!!!gogo係咁我就唔奇怪啦!!!!(媽媽勁愛佢麻!)