呢個係o個個主人o既錯，因為佢無去教好隻狗，導致傷害到其他人
不過又唔係全部狗都會咬人o既
我兩隻都算幾聽話架，剛剛upload左d訓練短片上黎：
http://www.xfunz.com/thread-7977-1-1.html

公園係全天候廿四小時免費開放俾狗主帶埋狗狗去散步架

呢個我都明白...
因為隻狗係個朋友個朋友叫我幫佢睇住ge...
聽我朋友講...隻狗年紀唔細...有病...佢主人諗住唔要佢...
交俾我之前已經俾其他人照顧過...

果日我地食完雞翼...佢唔知做咩衝埋黎搶雞骨
(狗食雞骨好易x死...但係狗食野唔可以搞..尤其唔熟你果d...諗左一諗)
但係我都係唔想佢有事...強行想搶起佢準備放入口ge雞骨...

就係咁樣...就俾佢咬住唔放...扯都扯唔返隻手出黎...
我個朋友見到..唯有打佢啦...拉扯左幾分鐘...先拎返隻手...

d血喺咁滴...飛的去醫院...仲好記得果兩排"牙齒窿"

其實佢有d抑鬱...晚晚嗚嗚的叫...俾野佢又唔食...
佢知佢主人唔要佢...自己又可能唔擺我耐...
加上成日換逛人...換環境...佢都好驚...
我都無怪佢...
不過都過左七八年嚕...咩印都無哂喇


p.s.我唔怕狗...我之前都有養狗嫁...
只係見到牧羊狗"e"口...我隻手會好自動縮起...反射神經掛^^"

隻狗真係慘，臨老有病又被主人遺棄
我兩隻狗都係收養返黎o既，而隻女o既命運同上述情況差不多
朋友嫌隻女周身蝨、有病，知道我養緊隻仔，就叫我養埋隻女
後來我湊返黎帶去睇獸醫醫番好，當堂生猛哂啦

講番搶骨事件先，被狗咬住隻手，夾硬扯出黎係好危險o既事，因為被咬住部位o既傷口有機會被拖開，令致傷勢更重
遇到咁情形，應該向狗狗潑水，或者以剌耳聲音引開佢注意力，或者用其他食物引佢放口

果時邊諗到咁多丫...果時自己未養過狗...係朋友知我住村屋,叫我睇住幾日...

咁又係呀..好多公園都係狗仔禁區...其實政府都好小體諒下d狗主...

....之前政府計劃響京士柏公園撥三份一地方出黎起狗公園，點知遭居民反對，最後攪到工程爛尾收場，已經係一個好例子
其實施工前一年已經就選址一事公開徵詢民意.......

[ 本帖最後由 白鳳丸 於 2007-5-21 09:57 AM 編輯 ]