童年回憶,我們都是這樣長大的!(部分18+)
係個網站道睇番嚟, 覺得好正, 帶番好多回憶, 轉嚟俾大家睇吓
童年回憶：你有冇聽過或者講過？
一句都冇？冇可能！除非你唔係香港人！(from frankid, 再之前唔知邊個post,知的話我會放番個名)
【咀咒。類】
ＸＸＸ﹝人名﹞，坐飛機，跌落黎，慘玻璃，
返到屋企唔憤氣，打爛電視機，打爛收音機，
「呯lin bom林」放臭屁，臭過無比石油氣。
今天天氣beautiful，ＸＸ（人名）走去girl，
攪到girl大o左肚，生o左一堆animals。
肥佬肥滕滕，買舊豬肉去拜神，行到半路屎忽痕。
四眼哨牙突下巴，屎忽嬲嬲下，
哨牙可以刨西瓜，落雨可以遮下巴，
飲茶可以隔茶渣，劈友可以擋番下。
【詩歌押韻。類】
Original Version
Rewritten Version
床前明月光， 疑是地上霜，
舉頭望明月， 低頭思故鄉。
從前睇報紙， 越睇越急屎，
舉頭欏廁紙， 低頭已賴屎。
【數字串連。類】
一落樓梯，二樓仆底，
三個筋斗，四腳朝天，
五塊膠布，六個傷口，
七時入院，八時釘蓋，
九時出殯，十分墟陷。
一見鍾情，二人同床，
三（衫）褲剝清，四圍咁摸，
五指搾波，六指擒籮，
七吋咁長，八發八中，
九龍裸跑，十分過癮。
一加一，二加二，三加三，
死加死，五加皮，六死你，
七個肥婆坐住你，八支槍仔指住你，
九龍醫院唔收你，十個棺財等住你。
一落樓梯，二樓仆底，
三個筋斗，四肢殘廢，
五個傷口，六塊膠布，
七孔流血，八時死亡，
九時出殯，十分抵死，恭喜恭喜！
【餘音未了。類】
琴日我見到你阿媽跳樓﹝扭﹞…腰舞！
琴日我偷睇你阿媽沖涼…茶。
你老豆過左身﹝新﹞…加坡。
見到你阿媽係廟街做雞…蛋仔。
@@臭﹝湊﹞…大你。
【顛倒。類】
長洲賓客人數多﹝倒轉讀：多數人客賓洲長﹞
人做個好市民﹝倒轉讀：聞屎好過做人﹞
惠康聖誕大特賣﹝倒轉讀：賣特大彈性胸圍﹞
上水居民居水上，長洲賓客賓洲長。
大圍三姑三圍大。
昆明擺檔擺明昆。
大院高曾高院大。
【諧音。類】
55699﹝快快食奶奶﹞
465354709394﹝死佬唔三唔四出呢攪三攪四﹞
2038240﹝伊利沙伯醫死你﹞
1996﹝搵奶奶食﹞
荷蘭銀行支票Holland Bank Cheque﹝好@@@笨七﹞
荷蘭牛仔褲Holland Jean﹝好@@@賤﹞
荷蘭月亮Holland Moon﹝好@@@悶﹞
荷蘭朋友Holland Friend﹝好@@@煩﹞
澳門朋友Macau Friend﹝麻鳩煩﹞
喇星百爵Duke LaSing﹝@@@哪星﹞
Batman G-Shock ﹝閉門自修﹞
凍檸水﹝凍@@@死﹞
大檸樂﹝大@@@鑊﹞
含包散﹝陷家剷﹞
九兩菜﹝攪@@@錯﹞
無奶油﹝無理由﹞
多舊魚﹝多鳩餘﹞
利物浦﹝離晒譜﹞
有陰毛﹝有陰謀﹞
唔該你﹝唔姦你﹞
合金鈴﹝「陷」家鈴﹞
芥蘭菜﹝搞@@@錯﹞
八加廿六﹝日文粗口﹞
柑蕉桔李籮柚，雁鷲貂狸獅拂。
美國加拿大澳洲﹝你個格勒底好臭﹞
白色． 太陽． 槍White Sun Gun﹝衛生巾﹞
【對聯。類】
幾大就幾大，燒賣就燒賣。
地上執到寶，問天問地欏唔到。
追得到，比個錢你買紅棗。
聲大大，冇野賣。
人賤唔怕醜，雞鵝趕唔走。
意見接受，態度照舊。
返工就有心無力，放工即刻精神奕奕。
黑黑實實，專搵笨實。
羸就羸粒糖，輸就輸間廠。
頭髮似堆草，唔駛去飛髮鋪。
著鞋唔著襪，大方兼老實。
講o野一舊舊，似足你老豆。
【改編歌詞。類】
《生日歌》
恭祝你生日撼穿個頭，
慶賀你死埋老豆；
年年都要乞食，
歲歲都要楂兜，
恭喜你，恭喜你。
《神奇大帝》
神奇大帝穿o左個窿，娶o左三個妾氏，
有個放屁﹝冇氣﹞，有個痘皮，有個病到就o黎死。
《叮噹》
人人期望嘔白泡，嘔得快就死得早；
人人懸耀開心歡笑，撩到吊鐘反轉更好，
爬進奇妙口袋裏；你想嘔泡必得到，
奇妙嘔法不可思義，心中一想就嘔泡。
想叮噹伴你嘔泡，難過去尋寶。
你睇！嘔出黎啦！
清倉啦！誰都喜歡你，嘔清晒Ｄ泡！
<<酒杯敲鋼琴>>改編 (from 火爆肥妹)
酒杯敲你個頭, 你阿媽話痛.
因乜..解夠,
酒杯敲你阿爸, 你阿公話痛
難道佢係..你老豆!!
【難以分。類】
扮勁冇錢剩，出街俾人打鑊勁！
發脾氣！發脾氣！
像個會出氣.......砵砵~~
死八婆，賣菠蘿，一蚊十二個，兩蚊一大籮。(from Keroro軍)
大笨象，渣支槍，去打扙，打唔贏，番呢罰佢食碗辣椒醬。
隔離阿婆燒炮獎,問你響唔響, 唔響擒你兩巴掌。
番鬼佬﹐爬龍船﹐爬得快﹐好世界﹐爬得摩﹐無鼻哥。
沖完涼，冇褲著，大人細人燒炮杖，問你想唔想當佢兩巴掌(from Keroro軍)
擋薦牌，排排坐，坐飛機，機械人，人之初，
初老泥，泥猛魚，魚肝油，油麻地，地中海，
海龍王，黃大仙，仙人掌，掌你兩巴掌。
閘住反彈冇回頭
普通版：「入實驗室禁緊急制」
加強版：「入食物實驗室禁實十個緊急制」
大笨象會跳舞，馬騮仔會上樹；
猴子會打關斗，山邊有個姑娘；
剝衫剝褲沖涼，凸出個Pat Pat曬太陽。
男人愛女人,女人愛男人,女人愛bb,bb愛奶粉... (from hk86)
團團轉，菊花園，炒米餅，糯米團，阿媽搭凳姑婆坐，坐爛個屎忽唔好賴我。(from therockyu)
落大雨，水浸街，阿媽搭柴上街賣，
阿嫂落地著花鞋，花鞋花腳帶，帶唔晒，留係床頭俾老鼠拉。(from therockyu)
|
小提示:
最新主題
