西環第三街的暗斜竟然隱藏殺機。一輛停於路旁的貨車疑司機忘記拉手掣溜後，貨車尾板又已經放下，司機當時不在車上，結果貨車如脫韁野馬，向後滑行十二公尺再剷上行人路，直撲廣 告

向一間保健產品公司門外排隊的人龍，一名年逾七旬的老婦首當其衝，胸腹部被恍如鍘刀的尾板開，內臟外露慘死，另三名老婦亦因走避不及受傷。

死者黃餘慶（七十四歲），三女傷者李玉鳳（九十歲）、郭婉文（七十二歲）及袁帶娣（七十四歲），均受輕傷，敷治後已無礙出院。

三長者走避不及受傷

昨晨九時許，肇事貨車由姓蘇（六十九歲）男子駕駛，停於第三街近東邊街垃圾站外，蘇下車後放下電動尾板，以便收集附近店舖的廢鐵；五分鐘後，蘇工作完畢站上尾板，準備將一輛手推車放回貨車上，當尾板升至四分三位置時，貨車疑未拉緊手掣，突然沿暗斜路面向後滑行，蘇見情勢危急，立即從尾板跳下，企圖衝上司機位拉手掣，但不成功，只得目送貨車急速溜後，更以四十五度角衝向第三街九號一間售賣保健產品的公司「長壽村」。

當時，「長壽村」仍未開門營業，門外有三十多名公公婆婆在排隊，等候入內聽健康講座及領取贈品，人龍伸延至正街，途人發現貨車衝向人龍後馬上大叫：「走開呀！」可惜為時已晚，貨車已撞向人堆，情況十分混亂，其中黃婆婆首當其衝，一度被夾於牆邊及尾板之間，胸與腹部之間被恍如利刀的尾板開，腸臟溢出，十分恐怖。另一名姓李婆婆亦被尾板撞中腰跌倒，救命聲此起彼落，其餘各人嚇得拚命向後退，不少人跌倒被踩傷，輕傷者馬上爬起身，頭也不回離開，另有傷者因腳軟無法走動，要途人扶入店內休息，貨車撞向店門外停下，金屬的門邊留下一道深深凹痕。

大批消防及救護員趕至，由於陽光猛烈，消防員借來一把雨傘替奄奄一息的黃婆婆遮擋陽光，隨後將黃、李及另一名被人群擠跌受傷的郭姓老婦一併送院，惜黃抵院證實不治。約一小時後，另一名姓袁的老婦亦因為這宗車禍，於走避時仆倒，感到腳部疼痛，由女婿陪同到醫院檢驗。

司機忘記有否拉手掣

姓蘇的貨車司機未有受傷，在場協助警員調查，他稱忘記泊車時有否拉手掣。有路人則指摘道：「阿伯都唔知點車！」蘇有卅年駕駛經驗，肇事貨車今年三月才通過驗車。意外現由港島交通部特別調查隊跟進，警方並呼籲目擊者提供資料。

現場隔鄰七號一間車房職員表示，當時見貨車溜後，但途人似未有為意，直至有人大叫，其他人才醒覺，不過現場排隊的全是老人家，動作不靈活，聽到警告後已走避不及。附近一間雜貨店的姓鄭東主夫婦稱，「長壽村」開業約三個月，經常見肇事貨車到來收取廢鐵，而第三街一向太平，數十年來未發生過嚴重事故。昨午三時許，女死者十多名家人帶備祭品返回現場路祭，逗留約半小時離去。

斜路都唔記得拉手制=.=

太可怕了~

佢可以離開個司機位，落埋尾板，再升起緊尾板先開始溜後。
如果唔記得拉，點解唔係一早就溜後？

有可能係...佢停車...踏住腳迫力...落尾板...冇拉手掣...之後落車...
因為個尾板頂住架車...所以仲未流後...之後佢升番尾板...架車自然會流後...

好似係得司機一個人，無可能同時踏腳制又走落車落尾板...
除非係有人幫佢落尾板。

我見過~有o的車係可以o係個司機位落尾板~
尾板果個位有多一個上落掣...

其實你有冇詳細睇過段新聞？

未~一陣有時間先睇~~

等我呢個揸貨車既閒人分析下喇．．
１）因為係第三街果段路拉左手制都好，架車都仲會溜，所以一定要拉到好緊先得，我自己就會入埋波以防溜．．
２）落左尾板係一定唔會夠力食實架車既，塊尾板落左地就算上埋一噸貨係塊板都好，架車要溜都只會比架車拖住黎行．．

個人見解：
司機年老，冇【拉緊】手掣（我肯定佢係有拉手掣落車，但冇拉緊），
手掣聶力只夠聶住淨貨車重量，因為當時佢正在上貨，仲要係鐵，所以令到架貨車既重量加重繼而溜後，以當時手掣既聶力並唔足夠聶實咁多野，夠車一溜就發生咁既慘劇喇．．