駕駛車款:            VTR250
製造年份:            2002
意外種類:            車輛碰撞
車主:              RYAN

事發經過:
20/08/2006早上七點半在荃灣沙角道、大河道十字路口被貨VAN攔腰撞倒。
當時因睡眠不足，加上對荃灣的路段不熟，而SUNDAY早上路上車很少，在上述十字路口「睇錯橙」，衝燈而過。一過白線便發覺自己衝了橙，左邊一輛VAN仔經過，頭尾BRAKE加拖波，剛剛避過，但係第二架就避唔到，好彩對方技術一流，重BRAKE加扭軑，而我比大油加跳車，只撞了車尾。
對方左鏡撞到了我的左背，撞到飛左唔知去邊。車頭撞到尾擔，凹晒。SEAT位「界」爛左。頭FORK無灣，但「鬆」左。右鏡爆左，飛左去隔離LANE。
對方左指揮橙撞爛了。

人命財物傷亡損毀:
VAN仔司機好好人，見我無乜事好開心，但因為始終有受傷，都報左警。
自己知錯，認衝燈，但係VAN司機幫口，竟然無比人告，無扣分。
POLICE決定左唔告我，幫我推架車去行人路，仲同我CHECK車，見仲行得，就叫我一陣快D渣走左。

當時感受:
左右腳擦損左同瘀左，無乜事。(當事著SHORTS)
覺得如果當時我無跳車，可能會重傷，尾擔都撞到凹晒，如果撞到我隻左腳就係斷得。

事後影響:
之後渣車好驚，睇到好清楚先去。寧慢莫急。
POLICE吹完波波後，同大SIR傾左一陣，個大SIR話要告我危險駕駛，好彩VAN仔司機好人幫口，最後RECORD算數。事後FAX番牌薄INSURANCE就OK。
只係擦損，無礙日常生活。

肇事原因及教訓啟示:
累同唔夠訓唔好渣車，好影響觀察力同判斷力。
一次意外，足以致命。如果撞我果架唔係VAN仔，係大車，我諗我打唔到呢篇野。
渣26前成日話渣得就預左炒，但真係有意外就唔會咁諗，我當時驚到個腦一片空白，事後親人朋友好關心，都有D後悔，如果死左OR重傷，就係唔知點算？