「太陽計劃2006」記者會上由港台DJ李志剛和彭晴擔任司儀，介紹四位「太陽少男、少女」出場，當Jill出現，他即飛身上前熱情擁抱，還胸貼胸攬到實，其左手似乎摸到Jill波邊，Jill裝作若無其事，但攬完即彈開。

接著李志剛介紹今年大會在「全方位實習計劃」中他將與Jill到寵物店實習。工作人員遞上道具狗仔給李志剛，Jill將飾物放在公仔頭上示範和拍照。李志剛突然將狗公仔頭質落Jill的胸部，一邊捏一邊說：「隻狗反抗呀！點算？」Jill毫無準備下被胸襲，只好以笑遮尷尬，但仍說「No」和「Stop」，然後後退迴避。

事後Jill向記者投訴，被質胸感到無助兼尷尬。問他與李志剛是否相熟？她說：「私下唔熟，只係平時做騷時後台見到面，點頭打招呼囉！」又說：「我當時已經講『唔好』，有Say No，叫佢Stop！（尷尬？）好尷尬呀，我一路退後避佢。（之後會唔會同番李志剛講，叫佢以後唔好咁做？）唔知呀，唔會卦！」記者連隨質問李志剛，他說：「我唔知道咁做Jill會唔開心，玩下姐，希望佢唔好介意，我會打電話親自向佢道歉。」

又係ＤＪ...
各位睇相，覺唔覺得有問題呢？

我就覺得雖然JILL係鬼妹仔...但係始終係女仔...
作為男DJ要小心d囉！人地say哂no～就應該醒少少縮手～
就算聽唔到女歌手有反抗，作為有經驗既主持應該留意對方既反應架嘛！