比人批我三十歲先好結婚

[b][color=Maroon]今日媽咪拎左我地成家既時神八字去問..

佢話我會結兩次婚呀!!! 除非三十歲後先結婚..

如果早婚一定會嫁第二次.. 三十歲後先係真命天子..

佢話我讀唔讀得成書第時都會好有錢... (即刻唔想讀書.. 嘿)

仲會有好多桃花.. 好多人追..

但係要成三十歲先嫁.. 我唔想呀唔想呀唔想呀!!!

我諗住二十二至二十六歲結婚嫁...

好down呀衣家.. [/color][/b]

咁又唔洗咁灰...^^
佢只係睇左你八字....又唔係埋個相一齊睇...準確性已經減左一半...
就算佢真係好似中左...結兩次...可能都係同同一個人結兩次呢...呵~呵~
同一個人拍拖都可以拍幾次啦...係咪先~
~唔洗灰心~

小姐你都好激動
首先, 睇相後會你有咁多反應, 你一定無宗教信仰, 如果你係天主教 / 基督教徒,
就一定唔會相, 或者你根本唔會去睇

換我係你, 睇相後個結果, 如果係好, 自已都會幾開心,
但如果係壞, 就可以話佢唔準 / 信則有, 不信則無,

有一個故事,
個主角有一次去睇相, 睇相佬話佢一定過唔到30, 死於非命
就因為咁, 佢一路都梗梗於懷, 直到佢30歲生日之前幾日
已經請假留在家中, 足不出門, 驚出到街有意外
但最後被發現死於 心臟病

[quote]原帖由 [i]closer[/i] 於 2006-7-12 08:03 PM 發表
小姐你都好激動
首先, 睇相後會你有咁多反應, 你一定無宗教信仰, 如果你係天主教 / 基督教徒,
就一定唔會相, 或者你根本唔會去睇

換我係你, 睇砮.. [/quote]

那你是教徒???
你個故事....是否意味睇相佬好準...=.="
因為佢完全講中晒...

唔同o既人睇同一個故事都有唔同感覺...^^

　第１，唔好睇得咁灰喇，個睇相佬好準嫁咩？係我既角度睇，我唔信命運的，因為所有野都係由人做成的．．．占卜命運既方式都唔係一開始就有喇，咪又係我地既早先發明既，我只相信事實，與其你擔心未來既事，不如好好的活在當下喇．．．．有時我都會問係咪命運係到作弄緊我疼錫既人，但係當我冷靜既時候，我都會發覺其實係自己當時唔夠冷靜，有意無意咁做出一ｄ傷害左佢既事．．．咁我既唔理智咪係你地所講既命運？
　第２，我係一個塔羅既占卜者，塔羅其中一個比其他占卜方法唔同既，就係佢只會講明當時人既現時狀況，甚少會鐵定你既未來，因為未來係由人一手創造的，所以未來分分鐘都會唔同．．．哈哈，我都唔知自己講左ｄ咩ｔｉｍ
　其實講左咁多野，都係想講你知，如果你有你所想的，就唔好顧ｄ什麼命運，努力去做喇．．．最重要係睇清楚自己想要ｄ咩，就算到時你真係會再結多次婚，咁個ｄ經驗都會成為你日後所需要的，無必要係宜家擔心．．．．

　如果你要實例既．．．．我會比我同維尼做事例（希望維尼你到時唔好嬲我未問過你就講你同我ｄ野出黎喇）我同維尼．．．識左２年，鬧左好多好多意見，我同佢有一陣子都認為係命運作弄緊大家（我好多朋友都認同）．．．當時大家都好灰心，但係我地宜家都”挨”過去了，近排，我地又再一次係咁，但我可以同大家講，宜家既我唔灰心，都冇放棄，我只係再一次作出左修正．．．我相信我同維尼既友誼就算再有幾多次既命運作弄，我都會同維尼一直挨落去，因為我珍惜我同佢既友誼，因為維尼一直都係奧斯卡既朋友，相反，我都係，呵呵。維尼，如果你都有睇我黎個回覆，你都一定要認同嫁，哈哈


哈哈，今日個腦有ｄ實，如果我既回覆有ｄ９唔搭８既，希望大家容認一下喇

[[i] 本帖最後由 奧斯卡 於 2006-7-12 10:08 PM 編輯 [/i]]

雖然我都知我唔應該咁迷信..
但係有時衣d真係好準嫁麻..

佢up得出我爸爸係好遠做野喎!! 我覺得好勁..
又up得出我媽以前某d野咁.. 好鬼勁..
佢係好似問米.. 請上身果d咁嫁..
雖然我無去..
但係我聽都覺得鬼得人驚..
而且佢又唔係收得貴.. 所以我覺得佢都..
唉.. 我都唔知.. 哈..  

我諗我第時都唔係太敢三十歲前結婚..
但係我一直都唔係咁諗..
真係....

[quote]原帖由 [i]心雪小姐[/i] 於 2006-7-12 11:17 PM 發表
雖然我都知我唔應該咁迷信..
但係有時衣d真係好準嫁麻..

佢up得出我爸爸係好遠做野喎!! 我覺得好勁..
又up得出我媽以前某d野咁.. 好鬼勁..
佢係 ... [/quote]
雖然見你因為睇相搞到咁擔心！
但係作為女生絕對明～
我同樣係對結婚有憧憬...
所以俾著係我我都會信架！

不過其實都唔驚得咁多架啦！
當你遇到個好鍾意又好錫你既男人肯娶你既話，
你就以愛行先架啦！果個時候你可能就唔信邪架啦！係咪先？:P

奧斯卡...而家我唔會覺得我地既事關命運事啦～
唔可以下下賴係命運既！哈哈～條路係點都係自己行出黎架嘛！

[[i] 本帖最後由 維尼 於 2006-7-13 01:05 AM 編輯 [/i]]

我睇相夠我 適合做生意~~~

一.一凸

[quote]原帖由 [i]維尼[/i] 於 2006-7-13 01:03 AM 發表

雖然見你因為睇相搞到咁擔心！
但係作為女生絕對明～
我同樣係對結婚有憧憬...
所以俾著係我我都會信架！

不過其實都唔驚得咁多架啦！
當䠮.. [/quote]


第１，工作遠近好易睇，好多時留意到少少既細節就可以睇得出
第２，我就覺得上身係冇可能既，做戲咩，而且我不知係邊度睇過定聽過，神靈附身既起原，一開始係比ｄ領主丫ｄ人，為左欺騙人民既信任而建立出黎的＝．＝”問米似乎唔係好可信喎～如果你真係想知你既婚姻會點，不如我幫你占下丫，做個參考又得，當為未來做個準備囉～
第３，如果你真係為左唔想結２次婚而要去到３０歲先結婚，咁你咪同ｃｌｏｓｅｒ講既故仔入面個主角一樣？”砍腳指，避沙蟲”，最後得不償失丫，你三思喇



維尼．．．路無錯係我地行出黎，都唔應該賴係命運，但我地都要為我地行出黎既路負責任，但係負責唔係代表一路行落去，而係發覺行錯左就作出修正，我發覺我一直都行錯左好多，我好想修正返，你會唔會陪我行多少少冤枉路（都好似唔係少少喇喎），行返我地應該行既道路丫？

條友叫咩名＝　＝？？？
我個ｆｄ睇完相條友又係咁講”
唔通你地同１條命＠＠？

我覺得呢d野唔準嫁...信自己....

[quote]原帖由 [i]維尼[/i] 於 2006-7-13 01:03 AM 發表

不過其實都唔驚得咁多架啦！
當你遇到個好鍾意又好錫你既男人肯娶你既話，
你就以愛行先架啦！果個時候你可能就唔信邪架啦！係咪先？[/quote]

就係因為以愛行先..
所以先唔想同佢完..
可能先會怕嫁比佢麻..

其實成日話咩條路係自己行呀~
命運掌握係自己手果d..
有時我覺得..
都唔知衣d係真係命運家掌握係自己手..

有邊個會知道你所做既野唔係命運一早定左嫁?

"有邊個會知道你所做既野唔係命運一早定左嫁? "

當所有科學理論都未能解釋, 宇宙出現因為大爆炸, 但無啦啦又會爆?

因為, 神.

神D信徒,自己都未搞清楚自己宗教D野...神...