《舞‧改變》　　(劇本)

《舞．改變》　　(第一份幫人寫黎比賽既劇本)

角色：
莫汝雲(女主角)：性格固執倔強，熱衷於舞蹈。(雲)
何天恩：善解人意，被雲欣賞，繼而成為戀人。並熱愛人像攝影。(恩)
李麗韻：雲母，不想女兒學跳舞。(韻)
莫志傑：雲父，疼愛雲。支持她學跳舞。(傑)
Miss Yeung：得知雲愛舞蹈，便親自教她。(楊)
何校長：雲校長，恩父。知雲愛舞蹈便幫他一把。(何)
Miss Tam：雲班主任。(譚)
大綱：雲在學校的學業成績和操行都強差人意，校方相當關注。韻及傑並不知
      道雲真的非常喜愛舞蹈，知道後更為反對。恩身為雲男朋友，當然清楚
      她的雖要，便告知何。何知道後告知楊，希望她教雲跳舞，而自己則尋
      找有關舞蹈的書籍，買下來送給雲。雲學習舞蹈後。便甚麼事都比從前
      的更起勁。當然，成績有明顯的進步，則操行分更由C-升為A。韻知道
      後立即稱讚她，楊知韻對雲回復信心，便替雲報名參加比賽，入選後再
      告知韻和傑。韻、傑二人從前只懂說雲跳舞不好看，但真正地看過雲跳
      舞後便對她另眼相看，給予莫大的支持和鼓勵。

第一場：
地點：學校，教室內。
情景：老師正派發下學期的成績表。

譚：喇！我而家就派你地下學期嘅成績表俾你地！
雲(VO)：我叫阿雲，派表績表喇！呢個係我既班主任Miss Tam。咦？好似派
        到我喇喎！
譚：莫汝雲(雲出位去取成績表) 阿雲，今次你有好大既進步，叻女！繼續俾心
    機呀！
雲：知道喇！多謝你呀Miss Tam！
(楊對雲報以微笑)
雲(VO) ：哇！我今次考全班嘅第四名，仲係全級既第十名呀！以前？我先無咁
         嘅本事！
(回想從前的情景)
譚：莫汝雲！(雲出。) 莫汝雲你睇下你丫！自己好好咁反省下啦！返埋位坐！
(雲拿著成績表後回位就坐，一言不發)
(譚走到雲身邊)
譚：你放學後黎見一見我，我想了解一下你嘅情況。

第二場
地點：教員室內。

雲：(悔氣地) 我黎左喇！
譚：好，我仲以為你唔會黎添！跟我黎，我地去第二度傾。
(譚領著雲步向學校的小公園)
譚：(關心地) 阿雲，你可唔可以話俾我知點解你嘅品學都咁差嘅？我睇得出你
    本性唔喎！
雲：(失落地) 我自細就好中意跳舞，成日一見到有舞蹈課程就同阿媽講，但佢
    始終都係話「學乜丫學！考個第一返黎俾我睇丫咁叻！」因為次次同佢講
    佢都係咁答，所以中一開始我就決定唔再努力讀書，總之就有咁差得咁差
    ，一於實行擔心死佢！直至宜家中三都係咁…
譚：不如我同你媽咪傾下丫！
雲：唔洗喇！無用！Miss，多謝你嘅好意！我自己搞掂佢得喇！
譚：咁好啦！我走先喇！
雲：Bye！Bye！Miss Tam！
譚：Bye！Bye！
(恩見譚走，入，坐到雲身旁)
恩：Miss Tam同你講啲乜野呀？
雲：無乜野呀！係呢，天恩，你知唔知我最大既興趣係乜呀？
恩：(一頭霧水)唔知呀！我估下先！唱歌？畫畫？定係同我一樣，鐘意人像攝
    影呀？
雲：錯！錯！錯！係跳舞呀！你都唔了解我嘅！
恩：Sorry呀！汝雲，唔好嬲啦！
雲：人地幾時有話過嬲你者？！(笑)正傻瓜！

第三場
地點：恩家

(恩悶悶不樂的坐在客廳)
何：天恩，做乜咁嘅樣嘅？
恩：爸，其實雲好鐘意跳舞！但係佢媽咪又唔俾佢學喎，咁佢就專登做到有
    咁曳得咁曳囉！
何：汝雲？係咪你嗰班嗰個莫汝雲呀？
恩：係呀。佢係我女朋友。
何：哦！我記得Miss Yeung學過跳舞！我搵佢幫下手啦！

第四場
地點：校長室內
何：Miss Yeung麻煩你入一入黎丫！
楊：係！
(楊入校長室)
楊：何校長，請問你搵我乜野事呢？
何：Miss Yeung，我睇過你份履歷表，你學過幾年Mordent Dance呵？
楊：係呀！
何：我地有個學生佢自細就好鐘意跳舞，但係佢屋企人又唔俾…唔知你可唔可
    以…
楊：哦！冇問題嘅，我諗我得嘅！
何：咁好丫！辛苦你喇！

第五場
地點：課室

譚：莫汝雲，你宜家過一過去校長室丫！校長搵你！
雲：哦！

第六場
地點：校長室內

雲：何校長，請問你搵我乜野事呀？
何：天恩話左俾我知你想學校跳舞。係咪呀？
雲：係呀校長。
何：Miss Yeung曾經學過幾年Mordent Dance，由佢教你好唔好？
雲：(興奮)好呀！
何：我仲親自買左啲有關跳舞既書道俾你呀！你睇下啱唔啱用丫！
雲：(接過書籍) 多謝校長！我出返去先喇！校長再見。

第七場
地點：舞蹈室

楊：咦？汝雲，你黎左喇？
雲：係呀！
楊：我就係教你跳舞既Miss Yeung。
雲：Miss Yeung你好！
楊：我宜家就教你啲最基本既舞步先。
雲：哦！
(音樂起，楊邊數拍子邊教雲)
楊：1、2、3、4，2、2、3、4，3、2、3、4，4、2、3、4…
(楊開始正式教雲跳舞)

第八場
地點：雲家

(雲剛踏入屋門)
傑：阿雲，做乜咁夜先返既？
韻：唔洗講肯定又係俾老師罰留堂留到咁夜先返啦！
雲：唔係呀！(放膽地) 係因為老師教我跳舞先咁夜返。
韻：跳舞？唔得！以後都唔準繼續學！(大聲強調) 唔準！
傑：麗韻呀！個女想學咪由得佢去學囉！橫掂又唔洗錢既！
韻：志傑呀！
傑：汝雲，你繼續學啦！但一定要學得好好哋，唔準半途而！
雲：(行禮)Yes Sir！Thank you Sir！
(雲高興地入房)

第九場
地點：舞蹈室

楊：汝雲，你學得好好，學野學得好快呀！不如你去參加比賽丫！
雲：比賽？
楊：係呀！我睇得出你係有潛質！我已經幫你補左名喇！俾心機練好隻舞
    隻舞去比賽，好唔好？
雲：係Miss Yeung！
楊：好？咁我地開始啦！
(音樂起，雲隨即起舞)

第十場
地點：比賽場地
時間：比賽前的最後練習時間
(音樂及舞蹈已到中未段
(舞完，楊出)
雲：Miss Yeung，我好驚，我好緊張呀！
楊：唔洗驚！你當係平時練習咁咪得囉！唔洗緊張！深呼吸丫！
(雲深呼吸)

第十一場
地點：比賽場地舞台上
(傑及韻在台下看雲跳舞)
(雲在台上舞著、舞著)
(韻及傑在台下流著淚的看著)
韻：原來汝雲跳舞係咁好睇！
傑：(感動地) 係呀！
韻：(後悔地) 我真係好後悔當初無論點都唔俾佢學跳舞呀！
(傑安撫韻)
(雲舞完)

十二場
地點：比賽賽地
時間：頒獎禮
司儀：今次比賽嘅冠軍係莫汝雲嘅     (舞名)       ！
(雲、韻、傑大喜，楊對雲微笑)
(雲接過獎座，展現出一個極為燦爛的笑容)
(恩為她拍照)

第十三場
地點：場館外
時間：頒獎禮後
(雲見韻，傑大驚)
韻：阿雲，阿媽以前成日都唔俾你學跳舞，對唔住呀！
雲：唔緊要啦！都咁耐咯！係呢，點解你地會喺度嘅？
楊：係我話俾佢地知你參加左個比賽，邀請佢地出席！
傑：汝雲，你跳舞好好睇呀！
雲：多謝！你地放心啦！我唔會再好似以前咁，我會做返個乖乖女喇！
(韻、雲、傑相擁)

~劇終 ~