分享下自己親身既靈異、奇怪經歷

好想聽下d真人真事...聽朋友講過既親身經歷都ok！
唔洗好恐怖、好驚嚇！
好歡迎大家分享！

我自己就有一次既經歷...就好似十種第六感既最後一樣咁！
聽到d聲...

有一次我係圖書館借左本靈異既小說～
係房到趴係床睇，睇睇下眼訓，訓著左！
到我醒個陣，我聽到廚房傳黎炒菜聲！
個陣都係我媽媽煮飯時間，所以一d都唔出奇！
隔左一陣，我起身出廳，望下廚房～
已經煮好哂！再望下d餸...好似冇炒野喎！
我問媽媽有冇炒過野啦！
媽媽竟然話冇！但係我真係聽得好清楚！
而且我係房，冇可能聽到樓上樓下或者係隔離屋既聲...@@"

好奇怪、好奇怪...:L

[quote]原帖由 [i]維尼[/i] 於 2006-6-13 11:58 PM 發表
好想聽下d真人真事...聽朋友講過既親身經歷都ok！
唔洗好恐怖、好驚嚇！
好歡迎大家分享！

我自己就有一次既經歷...就好似十種第六感既最後一 ... [/quote]
我細個沖涼但聽到媽媽叫我個名.係屋企人先會咁叫既叫法.
之後係咁咩呀咩呀都無人應.
到出返黎我問媽媽做咩事叫我佢話無叫我囉-____-"
之後佢叫我唔好諗咁多-________-

[quote]原帖由 [i]kae[/i] 於 2006-6-14 12:02 AM 發表

我細個沖涼但聽到媽媽叫我個名.係屋企人先會咁叫既叫法.
之後係咁咩呀咩呀都無人應.
到出返黎我問媽媽做咩事叫我佢話無叫我囉-____-"
之後 ... [/quote]
好心寒．．．

幾年前既中秋去左BBQ喇~~~~~
禁燒完野食 有人話入去條路度行一轉
條路係西貢入去  白普理營

禁成班一路行 一路傾計
行到半路  附近有間屋果度
突然之間 行最後果個fd  成塊面青曬
我同另一個fd望住佢   禁青曬面果個面突然對住我地兩個
殊  禁殊左一聲 跟住就有番曬血色
我同個fd問佢岩岩做咩突然殊  
點知佢話   下?~  咩殊呀 我冇殊到呀
我地再話  你岩岩成塊面青曬  你岩岩咩事呀?~
佢話  下 冇呀  真係唔知咩事喎
跟住成班人快快手手即走喇
返轉頭果陣  有幾隻狗離遠已經吠緊
行埋果陣  佢地全部都靜曬~~~~~~~~


PS  青左面果個 fd  佢手上係乜都冇拎到

我聽電台仲聽過一個...比較深刻同驚驚地...
又係發生係屋企～用「我」會易d交代返...
--------

我訓個張床係可以望出廳，
有一晚我訓訓下，俾電視聲嘈聲左！
望出廳，見到開左電視，
梳化坐左個人，背住我，
我諗住又係老豆睇波嘈住哂啦！
咪嗌出去：老豆呀！閂細聲d啦～好嘈呀！
我見到坐係梳化既「老豆」擰一擰轉頭望過黎～
我就唔理佢，繼續合埋眼訓，
無幾耐我聽到電視冇左聲，
但係隔左好耐我都聽唔到「老豆」返房既聲...
之後我都訓著左！

第二日我問返老豆，做乜夜媽媽睇波嘈醒我！
點知佢話返我轉頭：睬你都傻！琴晚一早訓左！一覺訓到第二朝添呀！

:L:L:L......

有冇試過睡覺時成身都移動唔到

[color=Orange]之前有好多次都係自己聽歌聽得好多大聲既時候個晚訓覺就會有郁唔到既情況,又或者係發到好怪既夢就會郁唔到,但而家就無定.
每次我郁唔到既時候神志真係清醒,只有雙眼可以郁到,但有時郁到得黎睇野既時候都會係無咩力個隻,每次我都會用力郁手腳同叫,通常都係叫幾下就可以叫出聲而回復正常.
其實我覺得以上情況都唔會好驚,而且從來都未見到任何怪景,但有個奇怪係有5成係以上既情況下我會聽到怪聲,而我肯定呢d怪聲並非係屋企傳黎,而係係心度發出,呢個情況我就會好驚.
唔知係自己心理作用定係同靈界有關. [/color]

[quote]原帖由 [i]yiyantam[/i] 於 2006-6-14 12:29 AM 發表
之前有好多次都係自己聽歌聽得好多大聲既時候個晚訓覺就會有郁唔到既情況,又或者係發到好怪既夢就會郁唔到,但而家就無定.
每次我郁唔到既時倠... [/quote]
我未試過郁唔到.
但試過見到1個好得意既情景
就係係我唔知夢入便定係半夢半醒既情況下.
係自己訓左係度.眼見到既野係好正常平時訓左係度睇到既野.
當時見到有太陽由我巴媽房照入我果房既wall上.
但係我好想爭大眼時又爭唔到.就好似不斷反白眼果個動作1樣.
但係好清晰.好深刻.可能係自己想爭開眼但又爭唔到.重復左好多次

嘩......
原來有咁多人發生過d咁ga事

[[i] 本帖最後由 carcartotoro 於 2006-6-14 03:26 PM 編輯 [/i]]

lee 件事唔係發生o係我身上, 而係o係我阿爸身上的!
佢係一個的士司機, o係某一年農曆七月十四 (鬼節) 左右的晚上
佢如常開工, 突然有個客話要去粉嶺的和合石, 佢也不以為意咁車佢去
去到時個客畀左錢佢, 就走左上山, 突然我阿爸看見個客走左埋一班著晒白色衫的人身邊
接著佢用車頭燈照佢地, 點知見到成排白色衫的人都係無腳架!
最後佢快快手咁駕車離開, 同埋將剛收到的錢全數入油
我細個聽到 lee 件事時好驚, 嚇到瞓唔著

[quote]原帖由 [i]kwkvicky[/i] 於 2006-6-14 04:09 PM 發表
lee 件事唔係發生o係我身上, 而係o係我阿爸身上的!
佢係一個的士司機, o係某一年農曆七月十四 (鬼節) 左右的晚上
佢如常開工, 突然有個客話要去粉堮.. [/quote]

唔係咁堅呀...＞＜