去完寵物節展覽返來

EMAX(九龍灣展貿中心)不嬲都有搞狗展、寵物展
展覽會通常o係G/F舉行，參觀者可以就咁由大門拖狗行入去
但今年展覽o係三樓舉行，悉逢頒獎禮，又係寵物節最後一日，所以今日入場人數好多，令場面亂上加亂

首先係帶狗入場問題，門口大堂只容許寵物車出入，拖狗o既參觀者就要由 "特別通道" 入場
朋友同我首先穿過停車場行一段路去搭貨lift，出lift又要行一段路，再搭多次貨lift先到，都頗迂迴曲折

去到會場門口，拎住得獎邀請信準備換入場券進場，但接待員只叫我企埋一邊等....
但係等乜呢?  我完全唔知道，感覺係罰緊企，拿拿林打俾主辦單位職員，佢叫我去攤位報到
幾經波折終於入到場。

入場後，第一個感覺係通風好差，好焗，而且展覽場地比舊年細左一半 (舊年擺兩個Hall)...
由於人多狗多，通道窄，花左十五分鐘先搵到大會攤位
我上前表明來意，點不知職員又叫我去舞台側報到，o下?? 咁即係又要逼幾耐先行到舞台度呢?

等上台領獎期間，幾個職員已認得GoWen，大家傾左一陣，其中有個對話好搞笑....
職員：張相好靚喎，o係邊度影架? 個背景係加落去架?
我：響數碼港影o既，係真背景黎架
職員：咁係咪影左百幾張先有一張咁成功架?
我：哈哈......點影百幾張呢? d狗肯等我影咁耐，個天都唔肯等我啦..........

話口未完，三位拍友已到場，真係麻煩哂咁多位朋友幫我揹袋、影相，要響度多謝聲佢地
領完獎後，朋友同拍友分別走先
後來我去朋友個booth度坐o下，行多陣攤位，八點call車走人。

因為我舟車勞頓，只影左幾張相
[img]http://img.photobucket.com/albums/v214/go_go/IMG_1514-1.jpg[/img]
在場展出50名入圍照片

[img]http://img.photobucket.com/albums/v214/go_go/IMG_1518.jpg[/img]
牛仔裝扮o既GoWen都吸引左好多人埋黎影相

[img]http://img.photobucket.com/albums/v214/go_go/IMG_1510-1.jpg[/img]
GoWen：走得未呀? 全程行行企企悶鬼死我地........

[img]http://img.photobucket.com/albums/v214/go_go/IMG_1519.jpg[/img]
獎品：寵物車、狗狗床褥......大包小包堆滿一車
我一人揹住袋，拖兩狗，再推埋呢座野返屋企，自己都覺得厲害....(笑)

[img]http://img.photobucket.com/albums/v214/go_go/IMG_1528.jpg[/img]
嘉許狀、狗糧，用品、小食，除狗糧外，有d都幾實用

[img]http://img.photobucket.com/albums/v214/go_go/IMG_1530-1.jpg[/img]
大會送o既小禮物，即製靚靚GoWen襟章，自己um荷包買o既bubble buddy，打算第日影相時用

[img]http://img.photobucket.com/albums/v214/go_go/IMG_1520-1.jpg[/img]
GoGo：咦?! 原來我都坐得落喎.....有車坐真好~

[img]http://img.photobucket.com/albums/v214/go_go/IMG_1523-1.jpg[/img]
GoGo：我o岩坐喎...不如唔好賣架車啦........(上次得獎o個部已經賣左)

[img]http://img.photobucket.com/albums/v214/go_go/IMG_1522-1.jpg[/img]
WenWen：哇.....咁大個女第一次坐車~盞鬼喎~
GoGo：阿媽，逼到咁樣會否覺得過份左呢?

[img]http://img.photobucket.com/albums/v214/go_go/IMG_1524-4.jpg[/img]
白鳳丸：唔想逼的話，咪一兜一狗囉~
GoWen(無奈)：......................

[img]http://img.photobucket.com/albums/v214/go_go/IMG_1527-1.jpg[/img]
白鳳丸：哈哈~~~你地訓到好似俾人斬左個頭落黎咁
GoWen：真係無你咁好氣..........行左成日"支力" 到死，訓完先講

[[i] 本帖最後由 白鳳丸 於 2008-3-10 02:31 AM 編輯 [/i]]